Abstract/Notes: Ritgerðin sem hér birtist er lokaverkefni til B.A.-prófs í ítölsku. Í henni er fjallað um hugmyndafræði ítölsku kennslukonunnar Mariu Montessori sem er án efa einn af áhrifamestu brautryðjendum í menntun barna á síðustu öld. Megin tilgangur verkefnisins var að skoða áhrif hugmyndafræði Mariu Montessori á Íslandi og í íslenskum skólum. Sá skóli á Íslandi sem styðst mest við Montessori aðferðina er Vesturbæjarskóli í Reykjavík. Ritgerðin byggir að hluta til á viðtali sem tekið var við kennslukonuna Hrefnu Birnu Björnsdóttir sem hefur stundað nám í Montessori fræðum í Hollandi en starfar í dag sem kennari fyrir 3. bekk í Vesturbæjarskóla.

Language: Italian

Published: Reykjavik, Iceland, 2011

Abstract/Notes: Í þessari ritgerð mun ég fjalla um heimsfræga konu að nafni Maria Montessori. Hún var mikill frumkvöðull, var á meðal fyrstu ítölsku kvenna til að nema læknisfræði og hún var fyrsta konan til að fá mynd af sér prentaða á peningaseðil, en hún var prentuð á gömlu eitt þúsund líra seðlana.Fyrrihluti ritgerðarinnar fjallar um Mariu Montesstori, hennar ævi og frægu aðferð hennar í uppeldismálum sem notuð er víða um heim og nýtur mikilla vinsælda. Maria er þekkt fyrir að vera einstakur og frumlegur kennari sem umbylti meintum hugtökum í kennslufræðum og sýndi fram á hversu mikið býr í börnum. Hún ferðaðist mikið og lá leið hennar meðal annars um Evrópu, Ameríku og Indland, í þeim tilgangi að kynna aðferð sína um “uppgötvun barnsins”, en einnig til að læra af menningu og uppeldisvenjum annarra þjóða og boða frið.Síðari hluta ritgerðarinnar fjallar um bókina “Il bambini in famiglia” eða “Barnið í fjölskyldunni” en hún er byggð á fyrirlestrum Mariu Montessori sem haldnir voru árið 1923 í Brussel. Hann hefst á umfjöllun um bókina sjálfa, svo kemur stuttur inngangur að þýðingarfræði og vandamálum sem ég þurfti að glíma við í þýðingunni og að lokum þýðing mín, en ég valdi tvo kafla úr bókinni til þýðingar, sá fyrri heitir “Il neonato” eða “Nýfædda barnið” og sá síðari “Maestro d´amore” eða “Kennari ástarinnar”.

Language: Italian

Published: Reykjavik, Iceland, 2011

Abstract/Notes: Í þessu verkefni er einblínt á hugmyndir Gordon og Montessori um tónlistaruppeldi ungra barna. Þar er fjallað ítarlega um aðferð Gordon, Music Learning Theory, og það ferli sem á sér stað þegar börn læra að skynja tónlist. Gerð er grein fyrir mismunandi gerðum tónsæis og því hvernig Gordon telur að börn læri að beita tónsæi. Einnig er fjallað um hlutverk leiðbeinenda í tónlistaruppeldi ungra barna ásamt því ferli sem börn ganga í gegnum þegar þau efla tónlistarþroska sinn. Rýnt er í hugmyndafræði Montessori þar sem Montessori aðferðin er kynnt og skoðuð út frá tónlistarlegu sjónarmiði. Þar er áhersla lögð á námstæki og hlutverk þeirra í tónlistarupplifun ungra barna auk þess sem að gerð er grein fyrir tónlistarnámskrá Montessori. Þegar hugmyndum Gordon og Montessori um tónlistaruppeldi ungra barna hefur verið gerð skil eru þær settar í samhengi og bornar saman. Að lokum er sett fram heildstæð stefna í tónlistaruppeldi ungra barna út frá hugmyndum fræðimannanna tveggja.Lykilorð: Tónlistaruppeldi ungra barna, Music Learning Theory

Language: Icelandic

Published: Reykjavik, Iceland, 2010

Abstract/Notes: Í þessari ritgerð verður leitast við að svara því af hverju hin kvengerða speki fékk hljómgrunn í hinni karllægu bókmenntahefð Biblíunnar og einnig verður skoðað hvort hin kvengerða speki ýti undir eða sporni gegn kynjahyggju í menningu nútímans. Fyrst verður skoðað uppbygging og stíll Orðskviða, á hvaða tímabili bókin var sett saman og merking titils bókarinnar. Orðið ḥāḵ•māh (viska, חָכְמָ֣ה) verður skoðað bæði í Gamla testamentinu og einnig innan Orðskviða. Jafnframt verður staða spekinnar í sköpuninni skoðuð og samband hennar við Guð. Það eru margar tilgátur til um uppruna spekinnar sem virðist hafa komið úr fjölmenningarsamfélagi þar sem trúarbrögð sköruðust og samtvinnuðust með mörgum hætti, en flestir fræðimenn telja spekina eiga uppruna sinn að rekja til gyðja í Egyptalandi og Mesópótamíu. Það er eftirtektarvert hvernig Orðskviðirnir tefla saman tveimur andstæðum með mjög myndrænum hætti, hinni kvengerðu speki og heimskunni ásamt hinni framandi konu. Þeim er att gegn hvor annarri þegar þær berjast um hylli ungra manna sem þurftu að velja á milli þeirra. Milli spekinnar sem er hyggin og skynsöm og heimskunnar sem er hávær og ögrandi. Þessar andstæður sjást í kvikmyndum, raunveruleikaþáttum og auglýsingum í dag, þar sem sýnt er fram á að konur séu í eðli sínu óvinir og keppinautar. Þessi framsetning á konum hefur haft mjög neikvæð áhrif á þær í gegnum aldirnar, en birtingarmynd hinnar kvengerðu speki í ljósi nútímans verður skoðuð í samræmi við það hvernig konur birtast í fjölmiðlum. Einnig er þeirri hugmynd velt upp hvaða skilaboðum og tilgangi sé verið að koma á framfæri með því að nota spekina sem konu í Orðskviðunum. Hin kvengerða speki er að mörgu leyti lík Maríu Montessori sem hefur haft merk áhrif á samtíma okkar, en þær notuðu báðar visku sína til að kenna og leiða ungt fólk til betri vegar.

Language: Icelandic

Published: Reykjavik, Iceland, 2012

Abstract/Notes: Markmið ritgerðarinnar er að skoða nánar muninn á Montessori-aðferðinni og HighScope-stefnunni. Fjallað verður ítarlega og kynnt verður aðferð Montessori og lögð verður áhersla á hvernig aðferðin nýtist í kennslu og sem námstækni á ung börn. Kynntar verða hugmyndir um HighScope-stefnuna og hvernig hún nýtist í uppeldi frá fæðingu til snemmfullorðinsára. Til þess að fá betri skilning á slíkri tegund uppeldis þá verður stuðst við rit eftir m.a. Hohmann, David P. Weikart og Ann S. Epstein. Rýnt verður í hvernig áhrif samskiptatækni í slíku uppeldi hefur á börn og ungmenni og hvort lærdómurinn út frá uppeldinu muni nýtast þeim á snemmfullorðins og fullorðinsárum. Rannsóknarspurningin sem leitað verður svara við er, eiga uppeldisaðferðir Montessori og HighScope-stefnan samleið?Tekin verða eigindleg viðtöl við viðkomandi einstaklinga sem að nota aðferðirnar í sínu starfi. Síðan verða gögn úr viðtölum og gögn úr þemagreiningu notuð til að svara rannsóknarspurningu og verður stuðst við fyrri sambærilegar rannsóknir og ritrýndar heimildir. Þegar gerð verður grein fyrir uppeldisháttunum hvor um sig þá verða þeir settir í samhengi um notagildi þeirra og að lokum verða þeir bornir saman. Viðfangsefnið vekur upp áhuga vegna þess að báðar aðferðir og hugmyndafræðin á bak við þær hafa komið sér vel fyrir börn frá unga aldri, fyrir félagslegan og vitsmunalegan þroska þeirra sem og eigið sjálfstæði og samskiptahæfileika við önnur börn og fullorðna. Það er áhugavert að skoða hvernig nýta má Montessori-aðferðina ásamt HighScope-stefnunni. Einnig verður fjallað um hugmyndafræði Reggio Emiliu.

Language: Icelandic

Published: Reykjavik, Iceland, 2019

Abstract/Notes: Menntun á erindi við alla og á sér stað í flestum löndum og við margvíslegar aðstæður. Hér verður fjallað um ævi og kenningar tveggja frömuða, á sviði menntunar þar sem fátækt og eymd var við líði, þeirra Paulo Freire og Mariu Montessori. Þá verður fjallað um handbók UNICEF um barnvænt skólastarf. Þetta verður gert með þá spurningu í huga: hvort hægt sé að ganga inn í skólastarf hjá UNICEF á hugmyndafræðilegum forsendum þeirra Freire eða Montessori? Þetta verður gert í hefðbundnu formi rannsóknarritgerðar og verður notast við bækur Montessori og Freire, ásamt ýmsu öðru efni sem hefur verið skrifað um þau og kenningar þeirra. Helstu niðurstöður eru þær að það sé að einhverju leyti hægt að vera fylgjandi hugmyndafræðilegum forsendum Freire ef áhugi er að starfa hjá barnvænum skólum UNICEF. Þó er líklegra að þeir sem vilji starfa og ná árangri í barnvænum skólum geri það á hugmyndafræðilegum forsendum Monterssori. Kenningar hennar eiga mun meira erindi við skólastarf UNICEF. Hugmyndir Montessori og Freire eiga þó líklega erindi við alla þá sem ætla sér að mennta börn og fullorðna. Ekki síst í vanþróuðum ríkjum. Þar af leiðandi eiga þær hugmyndir sem fjallað er um hér, erindi við þá sem ætla sér að vinna að menntun þeirra sem minna mega sín og búa við bág kjör.

Language: Icelandic

Published: Reykjavik, Iceland, 2013

Abstract/Notes: Þetta verkefni er vefsíða sem á eftir að birtast á tengli á heimasíðu Vesturbæjarskóla. Skólinn hefur lengi byggt starf sitt á kenningum ítalska uppeldisfrömuðarins Maríu Montessori og notast við námsgögn sem hún hannaði. Með forvitnina að leiðarljósi ákváðum við þess vegna að rannsaka með áhorfi og þátttöku hvernig þessi aldargamla hugmyndafræði Maríu Montessori endurspeglast í starfsháttum Vesturbæjarskóla árið 2009. Við lögðum áherslu á að skoða notkun stærðfræðigagnanna en við komust ekki hjá því að skoða aðra áhrifaþætti. Okkur var mikið í mun að finna lokaverkefninu hagnýtt gildi. Meginmarkmið þess var að búa til auðvelt aðgengi með vefsíðu fyrir kennara að upplýsingum um námsgögn Montessori. Á síðunni er hægt að lesa um lífshlaup og hugmyndafræði Maríu Montessori. Við hvert námsgagn er að finna mynd, lýsingu, markmið og dæmi um notkun.

Language: Icelandic

Published: Reykjavik, Iceland, 2010

Language: Norwegian

Language: Norwegian

Language: Norwegian